Тес-Хем мөгелери

Описание

Эгээртинмес элеп читпес Энерелдиг Тыва Хүреш . Чуртувустуң чоргааралы Тергиин солун оюнувус. Бичии боттуг хензиг оолак Буттап киргеш халый бээрге Аарыкчылар дөгере-ле Алгырышкаш туруп келир. Катай хакаш дүжүрерге Кайгамчыктыг тергиин чараш , Шеле иткеш балдырлаарга Барып ушкаш даяныптар . Орус дылдан улегерлээн Онза чараш аргалар бар . Мельницалааш октап каарга Мырай чараш солун болур . Ныроктааштын буттай бээрге Бүргег булут аязып кээр . Элээн үе саадай бээрге Мөгелерни хончу киирер , Эрес-дидим аваангырлар Мундургаштың доза тевер , Күштүг-шыырак мөге эрлер Күдүктээштиң шывадаптар. Тыва чоннуң сүзүглели Тыны болган онза оюн Делегейге Тыва Хүреш Өөскүп үнүп сайзыразын!